Jarle Ådlandsvik er vald til ny leiar i Hjelp Moldova. Jarle overtek etter Kåre Ness som går ut av styret saman med Tonje Stølsnes Faanes. Nye styremedlemmer er Ingunn Bakketeig og Jorunn Indrefjord.

 Bildet: Jarle Ådlandsvik er ny leiar i Hjelp Moldova

I dag, torsdag 22. mars 2018 kjører Nils Fredrik Nielsen traileren sin ombord på Fjordline si ferje i Bergen fullasta med varer til Moldova. Om fem dagar er han framme i Chisinau. Optisk utstyr av ulik art utgjer mesteparten og viktigaste del av lasta. Men Scania´en har også med seg både rullestoler og sjukehussenger som det er stor trong for i Moldova.

Årsmøte 2018 

Tid:      8. april  kl. 17.00.

Stad:   Avisa Strilen sine lokale i Knarvik.

Årsmøte i Hjelp Moldova vert halde sundag 8. april 2018 kl. 17.00 i avisa Strilen sine lokale i Knarvik.

Julegåveprosjektet 2017 resulterte i 25.000 kroner! Pengane går uavkorta til familiane som er omtalte i prosjektavisa.

Tusen takk til alle som kjøpte gåvebrev.

Grieg Foundation har gjeve tilsagn om 250.000 kroner i driftstilskot, og ytterlegare 350.000 kroner i samband med at utanriksdepartementet avsluttar si støtte til synsprosjektet i Moldova. Støtta frå Grieg Foundation har vore heilt avgjerande for at organisasjonen har kunna driva arbeidet for og med synshemma i Moldova på eit høgt fagleg nivå.

Os vgs har avslutta sin årlege solidaritetsaksjon til inntekt for Hjelp Moldova, og 180.000 friske kroner er sett inn på konto. I løpet av dei tre siste åra har elevane ved skulen samla inn 530.000 kroner!

Hjelp Moldova takkar hjarteleg for årets bidrag!

Gode ønskje for 2018, og takk for at du støtta oss i året som gjekk.
Best wishes for the coming year, and thank you very much for supporting us in 2017.

TV2 har tildelt Hjelp Moldova plass på reklamefri dag 25. desember.
.
Filmen vert vist på TV 2, TV 2 Zebra, TV 2 Livsstil, TV 2 Nyhetskanalen og TV 2 Sportskanalen.

Bildet: Frå “Mirakelet i Moldova” Flimmer Film

.

Du kan lesa meir om reklamefrie dagar på TV2 her:

http://www.tv2.no/a/3887142

I løpet av desember blei “Mirakelet i Moldova” vist i Hans Bjørn Bakketeig si heimbygd Os; både som kinoframsyning, og for elevane ved dei vidaregåande skulane på Os og Fusa. Mottakinga var storarta, og Hans Bjørn sto verkeleg fram som helt i eiga heimbygd. Takk til skulane, takk til Flimmer Film og filmskaper Stian Indrevoll, og takk til Hans Bjørn!