Tatiana Ghidirimshi dekorerte den moldovske vise-helseminister Gheorghe Turecanu med stor 17. mai-sløyfe på den norske nasjonaldagen. Ministeren kvitterte med å bruka ein heil time på representantane for Hjelp Moldova. Gheorghe Turecanu sa seg lei for at den moldovske regjeringa ikkje kunne lova økonomisk støtte til Synssenteret Hjelp Moldova har etablert. Den økonomiske og politiske situasjonen i landet tillet ikkje det. Han lova imidlertid hjelp til å skaffa nye og betre lokale til senteret, og han understreka bedtydningen av, og takka Hjelp Moldova for arbeidet organisasjonen har har lagt ned i løpet av snart 20 år. Bildet: Tatiana Ghidirimshi festar 17. mai-sløyfa på jakka til Gheorghe Turecanu. Viseministeren kjende godt til Hjelp Moldova sitt arbeid. Han takka for informasjonen og gjennomgangen av organisasjonen sin mangeårige innsats i Moldova. Arbeidet har hjelpt mange og endra livsitussjonen til tusenvis av moldovarar. Etableringa av Synssenteret er aller viktigast i så måte, sa Gheorghe Turecanu.

Bildet: Vise- helseminister Gheorghe Turecanu til venstre i samtale med leiar for organisasjonen vår, Hans Bjørn Bakketeig, og leiar for synssenteret, Tatiana Ghidirimshi. Gheorghe Turecanu sa vidare at han var kjend med gode tilbakemeldingar frå pasientar som hadde fått hjelp på Synssenteret. Han understreka at hjelpa set menneske i stand til vera aktive deltakarar i famielilivet, arbeidslivet og sosiale aktivitetar. - Sjøl om dei moldovske styresmaktene ikkje kan ta over ansvaret for senteret, så vonar eg de held fram arbeidet, sa Gheorghe Turecanu, Han ønskte å undersøkja muligheitene for samarbeid mellom norske og moldovske styresmakter for å vidareutvikla arbeidet Hjelp Moldova har lagt ned for synshemma. Offisiell norsk bistandsarbeid mot Moldova dreier seg i dag om hjelp til å utvikla moldovsk infrastruktur. Arbeidet Hjelp Moldova har lagt ned siste ti åra kan godt sjåast på som utvikling av moldovsk infrastruktur på helsefronten. Vi ønskjer at Norge kan utvida det offisielle samarbeidet med Europas fattigaste land med å sikra og vidareføra arbeidet Hjelp Moldova har bygd opp siste ti åra.

Vise-helseminister Gheorghe Turecanu og Hans Bjørn Bakketeig etter møtet 17. mai 2011.

Tekst og foto: Kåre Ness